Shqipëri/ Juglindja mbulohet nga reshjet e para të dëborës, zbardhen edhe disa fshatra të Bulqizës

12:16 | 14 Tetor 2021
Arditë Shkodra

Dëborën e parë të këtij viti nuk e ka pritur vetëm Korça, këtë të enjte reshje dëbore ka pasur edhe në Malin e Gramozit në Kolonjë, në Mokër të Pogradecit dhe në disa fshatra të Bulqizës.

Reshjet e dëborës mbuluan pjesën më të madhe të juglindjes në Korçë, duke përshirë zonat e Mashkullorës, Voskopojës, Lekasit, Dardhës, Velçanit, si dhe majën e Bigallës në Dardhë.

Mësohet se trashësia e dëborës në Panarit ka shkuar deri në 5 cm, ku në kushte të tilla drejtuesve të mjetëve ju kërkohet që në aksin Shtyllë-Panarit të lëvizin vetëm me zinxhirë.

Ndërkohë reshje dëbore janë shënuar edhe disa fshatra të Bulqizës, veçanërisht në fshatrat e njësisë administrative Zerqan dhe Martanesh, Tërnovë e Madhe dhe Tërnovë e vogël.

Deri më tani situata paraqitet e normalizuar, pasi reshjet në të gjitha zonat kanë qenë të lehta dhe nuk kanë shkaktuar probleme./tch

Shpërndaje në rrjete sociale

Lajmet më të lexuara

Të ngjashme

Foto lajm